SUMARHÚS VIÐ ÞINGVALLAVATN 

 

Húsið stendur á bökkum þingvallavatns. Skipulagsskilmálar voru mjög strangir og leyfðu takmarkað byggingarmagn.  Því skipti það miklu máli að húsið mætti "stækka" út á skjólsæla verönd sem væri í góðum tengslum við helstu rými hússins, þar sem hægt væri að sitja utandyra í skjóli snemmsumars og fram á haust. Mikil áhersla var lögð á óhindrað útsýni og að hægt væri að bjóða stórfjölskyldu og vinum í matarboð.  Svefnherbergi eru þrjú og svefnloft eða sjónvarpsrými.  Eldhús/borðstofa tengir saman stofu og svefnherbergisálmu, en úr borðstofunni er hægt að opna út á veröndina með stórri rennihurð.  Húsið er klætt með lerki sem leyft hefur verið að grána.  Húsið var tilnefnt til íslensku byggingarlistaverðlaunanna.